Gjenden mbetje mortore në Klinë, dyshohet se i përkasin një personi të zhdukur gjatë luftës

09:05 | 22 Gusht 2025
E.K

Në Komunën e Klinës janë gjetur mbetje mortore që dyshohet se i përkasin një personi të zhdukur gjatë luftës në Kosovë, në periudhën 1998-1999.

Sipas raportit 24-orësh të Policisë së Kosovës, njësitet policore, në bashkëpunim me Institutin e Mjekësisë Ligjore (IML) dhe institucionet tjera kompetente, kanë identifikuar mbetje eshtërore në një lokacion të kësaj komune.

“Klinë / 1998-1999. Njësitet policore në koordinim me IML-në dhe institucionet kompetente kanë hasur në mbetje eshtërore të cilat dyshohet se përkasin së paku një personi të zhdukur gjatë luftës në Kosovë në vitin 1998-1999. Mbetjet eshtërore janë tërhequr dhe janë dërguar në IML për analiza të mëtutjeshme”, thuhet në raport./Arbresh.info